У Мінску назіральнікаў ад БРСМ пасадзілі назіраць за выбарамі ў калідоры
Члены ўчастковай выбарчай камісія №26 у Мінску, якая знаходзіцца ў памяшканні “Тэхнабанка” па вуліцы Крапоткіна, 44, размясцілі ў калідоры назіральнікаў ад Беларускага рэспубліканскага саюза моладзі
Пра гэта паведаміў назіральнік ад кампаніі назірання “Права выбару-2015” Мікалай. З яго словаў, памяшканне для галасавання вельмі маленькае і для ўсіх назіральнікаў проста не хапае месца.
Калі ж Мікалай пачаў рабіць фотаздымкі таго, што адбываецца на выбарчым участку, то і яго папрасілі пакінуць памяшканне.
