У Мінску асуджаная выхавальніца ясляў-сада, якая выкрадала рэчы дзяцей
У Мінску асуджаная выхавальніца аднаго з ясляў-сада, якая выкрадала рэчы дзяцей. 21-гадовая жанчына рабіла гэта падчас дзённага сну хлопчыкаў і дзяўчынак. Скрадзеныя залатыя ўпрыгожванні яна здавала ў ламбард. Дзеці змаглі патлумачыць псіхолагу і следчаму, хто менавіта скраў іх рэчы і як у той момант была апранутая выхавальніца.
Жанчына ва ўсім прызналася і кампенсавала нанесеныя страты. Суд Партызанскага раёна сталіцы ўлічыў, што раней яна не мела праблем з законам. Выхавальніцу прызналі вінаватай у крадзяжы і асудзілі на пазбаўленне волі на 1 год і 6 месяцаў. Але за краты яе не адправілі, прызначылі выпрабавальны тэрмін на 1 год. Калі за гэты тэрмін парушэнняў не будзе, жанчыне не давядзецца адбываць прызначанае пакаранне. Прысуд ужо набыў законную сілу, інфармуе прэс-служба Генпракуратуры.
