У Мінскім раёне дзяўчыну двойчы збілі аўтамабілі

У вёсцы Прымор'е Мінскага раёна аўтамабілі двойчы збілі дзяўчыну, якая перабягала дарогу ў неўсталяваным месцы. Пра гэта агенцтву БЕЛТА распавяла старшы інспектар па агітацыі і прапагандзе аддзела ДАІ Мінскага раёна Кацярына Сільчанка.

Трагічнае здарэнне адбылося 7 кастрычніка каля 19.40 на 23-м км аўтадарогі Калодзішчы-Заслаўе. Кіроўца аўтамабіля "Фальксваген Транспарцёр" ехаў у бок Заслаўя і збіў 21-гадовую дзяўчыну-пешахода. Паведамляецца, што дзяўчына перабягала праезную частку каля нерэгуляванага пешаходнага пераходу. Ад удару яна павалілася на паласу сустрэчнага руху, дзе на яе наехаў аўтамабіль "Мазда 6".

У выніку ДТЗ пацярпелая з траўмамі была шпіталізаваная ў рэанімацыйнае аддзяленне лякарні. Паведамляецца, што дзяўчына была нецвярозай і не была пазначаная святлоадбіўнымі элементамі.

8 кастрычніка пацярпелая памерла ў лякарні. Праваахоўнікі праводзяць праверку па факце ДТЗ.