У мінскім метро злавілі фальшывага "інваліда"
2 траўня міліцыянты з аховы Мінскага метрапалітэна затрымалі 62-гадовага мінчука.
Як паведамляе БелаПАН, мужчына паспрабаваў прайсці лінію кантролю метрапалітэна, паказаўшы пасведчанне інваліда другой групы. Дакумент, аднак, меў відавочныя прыкметы падробкі: у ім была пераклееная фатаграфія.
Міліцыянты з аховы метро кажуць, што даволі часта адсочваюць факты падробкі дакументаў. Як моладзь, так і пажылыя людзі навучыліся фальсіфікаваць даведкі і пасведчанні.
Фота — websmi.by
