Вы тут

У "ЛНР" сцвярджаюць, што праводзілі "следчыя дзеянні" з Пратасевічам

Раман Пратасевіч / Ramil Nasibulin/BelTA/Handout via REUTERS

У генпракуратуры самаабвешчанай "ЛНР" сцвярджаюць, што праводзілі "следчыя дзеянні" з Раманам Пратасевічам, які з траўня знаходзіцца ў СІЗА КДБ Беларусі. Больш таго, заяўляецца, што нібыта былі атрыманы доказы яго датычнасці да забойстваў мірных жыхароў на Данбасе. У "ЛНР" дзякуюць Аляксандру Лукашэнку, КДБ РБ за магчымасць правесці згаданыя "следчыя дзеянні".

Заява скандальная. На нядаўнім брыфінгу кіраўнік Следчага камітэта Беларусі Дзмітрый Гара сцвярджаў, што ніякіх запытаў на правядзенне следчых дзеянняў з Пратасевічам з замежжа не паступала. Сам Раман Пратасевіч гаварыў, што дае паказанні толькі беларускім следчым.

Застаецца пачакаць рэакцыі афіцыйнага Мінска.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.