У Літву з Беларусі экстрадыравалі двух чалавек
Грамадзянін Літвы, затрыманы ў Беларусі / МУС
Беларусь перадала Літве двух чалавек, якіх падазраюць па крымінальных справах, паведамляе прэс-служба МУС РБ.
Абодва былі абвешчаныя ў вышук праз Інтэрпал. 20-гадоваму мужчыну інкрымінуюць незаконнае абарачэнне какаіну і канабісу, а 58-гадовага літоўца падазраюць у наўмысным прычыненні цяжкіх цялесных пашкоджанняў нажом.
У МУС паведамілі, што аднаго з іх затрымалі ў Мінску, другога — у Магілёве.
Працэдура перадачы адбылася ў памежным пункце пропуску "Каменны Лог — Мядзінінкай".
