У Лепелі за "экстрэмізм" судзілі "Чалавека года Віцебшчыны"
У судзе, ілюстрацыйнае фота
У Лепелі за "экстрэмізм" учора судзілі "Чалавека года Віцебшчыны-2018" Іллю Шэндалесава, распавядаюць віцебскія рэсурсы. Як вынікае з раскладу суда Лепельскага раёна, Шэндалесаву інкрымінавалі "распаўсюд экстрэмісцкіх матэрыялаў" (арт.19.11 ч. 2 КаАП РБ). Якую пастанову вынес суддзя Фадзей Зінькевіч, праваабаронцам пакуль невядома.
У свой час Шэндалесаву прысвоілі званне "Чалавек года Віцебшчыны-2018" за вялікі асабісты ўклад у развіццё аховы здароўя насельніцтва Лепельскага раёна. Бальніцу ён узначальваў з 2008 года. Але ўжо з 2021 года на гэтай пасадзе працуе іншы чалавек — Аляксей Пракоф'еў.
Ілля Шэндалесаў/ @vitebsk_info
