У круасанаў быў толькі адзін недахоп — і мінская пякарня яго выправіла
![Гіганцкія круасаны пякуць у Мінску](/sites/default/files/styles/gallery_main/public/2024-04/209_r._25.jpg.webp?itok=jPEOeZ9H)
Гіганцкія круасаны пякуць у Мінску / briocheparis
Круасаны ўсім добрыя, акрамя формы. Калі б круасан быў плоскім, ён быў бы нашмат зручней. Відавочна, так і падумалі ў менскай пякарні "Брыёш", і спяклі... плоскі круасан. Кажуць, гэты трэнд на круасаны 2D прыйшоў з Паўднёвай Карэі.
Але на гэтым пякарня не спынілася і пасля звычайнага плоскага круасана спякла гіганцкі плоскі круасаны. Цяпер мінчанкі фатаграфуюцца з ім, таму што сфоткаць яго зручней, чым з'есці.
Каштуе такі круасан-волат ад 70 да 100 рублёў, і таму пякуць яго толькі на заказ. У Мінску наогул пайшла нейкая гігантаманія. Памятаеце, мы распавядалі вам пра кубачкі капучына памерам з добрае вядро? Нагадваем.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.