У Гродне Элвіс Прэслі агітаваў прабіваць талончыкі (фота)
Героі Музея мадам Цюсо 27 лютага ажылі ў гродзенскім грамадскім транспарце.
Элвіс Прэслі, Бейонсе і Эмі Уайнхаўс агітавалі пасажыраў кампасціраваць талончыкі. Любы чалавек, які ўвайшоў у аўтобус у перыяд выставы “на колах”, прабіваў талон ў спецыяльна аформленых кампосцерах. Пасля гэтага пад музыку фігуры ажывалі і пачыналі танчыць ды спяваць.
Акцыю зладзілі ўдзельнікі гродзенскага тэлепраекта “Ведай нашых” пры дапамозе візажыста Olgі Ko, якая пераўвасобіла гродзенскіх вакалістаў і танцораў у зорак сусветнай велічыні.
