У Германіі ўзарваўся бункер часоў вайны, ёсць параненыя (відэа)
Выбуховая хваля падымала ў паветра нават ровары.
У нямецкім Гамбургу ў выніку пажару і выбуху ў былым бункеры часоў Другой сусветнай вайны пацярпела сама меней 27 чалавек, перадае eurointegration.com.ua са спасылкай на нямецкія СМІ.
Пажар пачаўся ў сталярнай майстэрні, якая размяшчалася ў былым бункеры. Пазней адбыўся выбух. Як сведчаць мясцовыя пажарныя, выбуховая хваля была гэтулькі моцнай, што ўзняла ў паветра нават ровары.
У будынку, дзе адбылося ўзгаранне, захоўвалася каля 100 тонаў эфірных масел.
Пажарным давялося эвакуяваць жыхароў суседніх дамоў, бо ўсю вуліцу запоўніў едкі дым.
27 чалавек атрымалі раненні, 12 з іх замежнікі.
Фота: eurointegration.com.ua
