У цэнтры Мінска МАЗ сутыкнуўся з Hyundai
ДТЗ з удзелам МАЗа і джыпа Hyundai адбылося ў Мінску ўдзень 18 лютага, паведамляе БЕЛТА са спасылкай на АДАІ Маскоўскага раёна сталіцы.
Інцыдэнт здарыўся на праспекце Дзяржынскага. Грузавік, за рулём якога быў 35-гадовы кіроўца, ехаў у бок плошчы Багушэвіча па другой паласе. Мужчына спрабаваў заехаць на будаўнічую пляцоўку. Пры гэтым яго аўтамабіль сутыкнуўся з джыпам Hyundai, які ехаў адначасова ў трэцяй паласе.
Пры сутыкненні легкавік вылецеў на жалезабетонны раздзяляльны блок. На шчасце, ніхто не пацярпеў.
