У Белынічах школьнікаў агітавалі ехаць вучыцца ў памежны з Украінай раён РФ
Расійскія агітатары ў Белынічах / zara.by
У Белынічах школьнікаў агітавалі ехаць вучыцца ў Расію. У Беларусь прыязджалі прадстаўнікі Рыльскага авіяцыйнага тэхнічнага каледжа. Яны сустракаліся з вучнямі старэйшых класаў СШ №1 і з іх бацькамі.
Раённая газета піша, што дырэктар каледжа Андрэй Лісман расказаў пра сваю ўстанову адукацыі, пра горад Рыльск. Выступала і кіраўніца аддзела адукацыі Бялыніцкага райвыканкама Жанна Звягіна. Але ніхто не звярнуў увагу на той факт, што Курская вобласць мяжуе з Сумскай вобласцю Украіны. А там бываюць і абстрэлы, і атакі беспілотнікаў, не выключаецца і ўварванне расійскіх войскаў. А побач — Харкаўская вобласць, у якой ідуць баі.
Рыльскі раён — памежны. І туды агітуюць ехаць беларускую моладзь.
