Вы тут

У Беларусі прапагандыстам змогуць змяняць знешнасць за дзяржаўны кошт

Якія меры абароны трэба прымяняць да той або іншай асобы, вызначаць супрацоўнікі органаў унутраных спраў / Ілюстрацыйнае фота

Аляксандр Лукашэнка падпісаў закон пра дзяржаўную абарону. Парламент яго ўхваліў у красавіку. Ранейшы закон "Аб дзяржаўнай абароне суддзяў, службовых асоб праваахоўных і кантралюючых (наглядных) органаў, супрацоўнікаў органа дзяржаўнай аховы" дапаўняецца. Дзяржаўнай абароне будуць падлягаць і вайскоўцы Узброеных сіл у выпадку іх удзелу ў "ахове грамадскага парадку", супрацоўнікі Службы бяспекі прэзідэнта, Аператыўна-аналітычнага цэнтра, "іншыя асобы ў сувязі з замахам на іх бяспеку" (тыя ж прапагандысты), а таксама іх блізкія. За дзяржаўны кошт асобам, якія знаходзяцца пад абаронай, а таксама іх блізкім, могуць змяніць знешнасць. Прадугледжана і змена працы.

Якія меры абароны трэба прымяняць да той або іншай асобы, вызначаць супрацоўнікі органаў унутраных спраў "на падставе аналізу тых пагрозаў, якія паступаюць".

Асноўныя палажэнні закона пачнуць дзейнічаць праз месяц пасля яго афіцыйнай публікацыі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.