У Беларусі пацверджаныя 165 выпадкаў захворвання свіным грыпам
165 выпадкаў лабараторна пацверджанага пандэмічнага грыпу А (H1N1) альбо "свінога грыпу" зарэгістравана ў Беларусі за час маніторынгу з траўня 2009 года. Паводле звестак Міністэрства аховы здароўя, за перыяд эпідэмічнага ўздыму захворвання на ВРВІ з 19 кастрычніка зарэгістравана 139 выпадкаў. Гэта складае 0,03% ад агульнай колькасці захварэлых на вострыя рэспіраторныя вірусныя інфекцыі і грып, паведамляе БелаПАН.
