У Беларусі і Расіі разам больш палітвязняў, чым было пры Брэжневе ў СССР
![Радаслаў Сікорскі](/sites/default/files/styles/gallery_main/public/2024-02/pap_20231227_0f2.jpg.webp?itok=-38x8FZU)
Радаслаў Сікорскі / pap.pl
У Беларусі і Расіі разам больш палітвязняў, чым было ў СССР, калі ім кіраваў Леанід Брэжнеў (з 1964-га да 1982 года). Пра гэта заявіў міністр замежных спраў Польшчы Радаслаў Сікорскі падчас афіцыйнай сустрэчы кіраўнікоў МЗС краін ЕС у Бруселі.
"У Беларусі, як і ў Расіі, у хуткім часе таксама маюць адбыцца фэйкавыя прэзідэнцкія выбары, — цытуе словы Сікорскага pap.pl. — Усе мы памятаем, чым скончыліся папярэднія выбары — хваля рэпрэсій дагэтуль не слабее. У суадносінах да колькасці насельніцтва гэта горш, чым было ў нас падчас ваеннага становішча".
Ваеннае становішча ў Польшчы існавала ў 1981-1983 гадах. Камуністычны рэжым увёў яго, каб падавіць рух "Салідарнасць", які ахапіў усю краіну і кіраваў страйкамі працоўных.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.