У Беларусь прыбыў прэзідэнт Таджыкістана
Эмамалі Рахмон прыляцеў 23 траўня з афіцыйным візітам.
Як паведамляе БелаПАН, Аляксандр Лукашэнка і Эмамалі Рахмон 24 траўня правядуць у Мінску афіцыйныя перамовы ў вузкім і пашыраным складах. Яны плануюць абмеркаваць шырокі спектр пытанняў далейшага развіцця двухбаковых адносін Беларусі і Таджыкістана, узаемадзеянне на міжнароднай арэне.
Падчас афіцыйнага візіту прэзідэнта Таджыкістана будзе падпісаны шэраг двухбаковых дакументаў, якія датычаць супрацоўніцтва ў розных сферах.
Фота — ctv.by