У Беларусь праз Маскву прыедзе прэзідэнт Венесуэлы
На наступным тыдні. Нікалас Мадура атрымаў ад Аляксандра Лукашэнкі прапанову наведаць нашу краіну з афіцыйным візітам яшчэ ў красавіку.
Як паведамляе РІА "Новости", у Мінску Мадура падпіша двухбаковыя дакументы па вытворчасці сельскагаспадарчай тэхнікі. Перад гэтым венесуэльскі прэзідэнт возьме ўдзел у саміце Форума краін-экспарцёраў газу, які пройдзе 1-2 ліпеня ў расійскай сталіцы.
Нагадаем, Нікалас Мадура быў абраны прэзідэнтам на датэрміновых выбарах у красавіку. Іх прызначылі пасля смерці ад рака прэзідэнта Уга Чавеса.
Фота — AFP
