У аварыі ў Салігорскім раёне загінула васьмігадовае дзіця
На месцы трагічнага здарэння / t.me/pressmvd/
У аварыі ў Салігорскім раёне загінула васьмігадовае дзіця. Трагічнае здарэнне адбылося ў нядзелю каля 15-й гадзіны на аўтадарозе "Салігорск — 4-е рудаўпраўленне". У нейкі момант вадзіцель Mersedes, 36-гадовы жыхар Любанскага раёна, не справіўся з кіраваннем і выехаў на сустрэчную паласу, дзе адбылося сутыкненне з Nissan.
Дзіця знаходзілася ў аўтамабілі Nissan. Яго везлі без выкарыстання спецыяльнай дзіцячай утрымліваючай прылады. 51-гадовая кіроўца Nissan і 12-гадовая дзяўчынка, якая таксама была разам з ёй, атрымалі траўмы і былі шпіталізаваныя.
