Тымчук заклікае звольніць украінскага пасла ў Беларусі
Кіраўнік Цэнтра ваенна-палітычных даследаванняў Дзмітрый Тымчук лічыць, што трэба прыдзірліва прааналізаваць прызначэнні сілавікоў пры Януковічу.
На яго думку, такі аналіз павінен дапамагчы выявіць здраднікаў. Выказаўся ён, у прыватнасці, пра амбасадара Украіны ў Беларусі, былога міністра абароны Міхаіла Ежаля. Па словах Тымчука, гэты чалавек павінен быць звольнены з дзяржаўнай службы, бо ён сваё прызначэнне атрымаў пры Януковічу.
"Гэта чалавек, які прымаў удзел у разбурэнні арміі. Адзін з трох міністраў абароны часоў Януковіча чамусьці працягвае заставацца на дзяржаўнай службе, прычым, на дастаткова сур'ёзным участку, бо ў нас не было ніякіх гарантый, што Беларусь не стане плацдармам для нападу Расіі", — перадае УНІАН словы Тымчука.
На фота УНІАН — Дзмітрый Тымчук
