Трое спартоўцаў, якія ўдзельнічалі ў пратэстах, пакінулі Беларусь
Ва Украіну выехаў актывіст незалежнага аб’яднання спартоўцаў, гандбольны трэнер Канстанцін Якаўлеў, паведамляе Радыё "Свабода".
Якаўлеў актыўна ўдзельнічаў у маршах пратэсту 2020 года. Сёлета ў чэрвені ён быў арыштаваны на 15 сутак. Якаўлева затрымалі 16 чэрвеня, калі ён разам з іншымі спартоўцамі ехаў з Баранавічаў у Мінск. У Баранавічах яны сустракалі пасля арышту журналіста Дзмітрыя Руто.
Канстанцін Якаўлеў быў госцем Еўрарадыё ў праграме Змітра Лукашука і Максіма Гарунова "Ідэя Х".
Таксама стала вядома, што ў Беларусь вырашылі не вяртацца мнагаборка Яна Максімава і легкаатлет Андрэй Краўчанка. Яны засталіся ў Германіі.
