Трэба не будаваць сваю АЭС, а далучыцца да яе будаўніцтва ў Літве - Казулін
Палітвязень і лідэр Беларускай сацыял-дэмакратычнай партыі (Грамада) Аляксандр Казулін лічыць, што Беларусь павінна не ўзводзіць уласную атамную электрастанцыю, а далучыцца да будаўніцтва АЭС у Літве. Пра гэта гаворыцца ў яго адкрытым лісце, накіраваным прэм’ер-міністру
Літвы Гедымінасу Кіркіласу. Казулін, які адбывае пакаранне ў калоніі на
Віцебшчыне, перадаў ліст падчас нядаўняй сустрэчы са сваякамі.
Казулін аргументуе сваю пазіцыю вялізнымі выдаткамі, непасільнымі для беларускай эканомікі, а таксама небяспекай, якую нясе АЭС.
“Нельга дапусціць, каб ядзерная энергетыка магла выкарыстоўвацца палітычным рэжымам асобнай дзяржавы для шантажа ўсяго дэмакратычнага свету”, гаворыцца ў лісце палітвязня да прэм’ера Літвы.
Аляксандр Казулін заклікаў кіраўніка літоўскага ўраду выказаць свае адносіны да магчымага ўдзелу Беларусі ў сумесным праекце пабудовы АЭС.
Нагадаем, пачатак будаўніцтва атамнай электрастанцыі ў Беларусі запланаваны на 2008 год. Яно будзе працягвацца цэлае дзесяцігоддзе.
БелаПАН
Казулін аргументуе сваю пазіцыю вялізнымі выдаткамі, непасільнымі для беларускай эканомікі, а таксама небяспекай, якую нясе АЭС.
“Нельга дапусціць, каб ядзерная энергетыка магла выкарыстоўвацца палітычным рэжымам асобнай дзяржавы для шантажа ўсяго дэмакратычнага свету”, гаворыцца ў лісце палітвязня да прэм’ера Літвы.
Аляксандр Казулін заклікаў кіраўніка літоўскага ўраду выказаць свае адносіны да магчымага ўдзелу Беларусі ў сумесным праекце пабудовы АЭС.
Нагадаем, пачатак будаўніцтва атамнай электрастанцыі ў Беларусі запланаваны на 2008 год. Яно будзе працягвацца цэлае дзесяцігоддзе.
БелаПАН