Топ-мэнэджара life:) пакаралі 8 гадамі калоніі за “зліў дадзеных”
Арцём Воўна / скрыншот з відэа ГУБАЗіКа
Арцёма Воўну, топ-мэнэджара мабільнага аператара life:) пакаралі 8 гадамі калоніі узмоцненага рэжыму за “зліў дадзеных”.
Яго асудзілі па трох артыкулах Крымінальнага кодэкса за “распальванне іншай сацыяльнай варожасці”, “незаконнае збіранне альбо распаўсюд інфармацыі аб прыватным жыцці” і “неправамернае завалоданне камп'ютарнай інфармацыяй”.
Суд праходзіў у закрытым рэжыме, таму падрабязнасці справы невядомыя. Але праваабаронцы “Вясны” паведамляюць, што з Арцёма Воўны яшчэ спагналі штраф 13 тысяч рублёў на карысць пацярпелым, меркавана, сілавікам і чыноўнікам.
