Сяргей Харэўскі пра парк Горкага
Сяргей Харэўскі: "Менавіта ў Парку імя Горкага я выйграў дзіцячы конкурс малюнкаў на асфальце, крэйдай намаляваўшы коней. Што стала ключавым момантам у маёй біяграфіі. Фотаздымкі са мной былі змешчаныя ў гарадской дзіцячай прэсе. А да маіх бацькоў прыйшлі настаўнікі малявання з 26 школы з мастацкім ухілам і ўгаварылі аддаць мяне займацца мастацтвам".
Цяпер Сяргей любіць прагульвацца па парку разам са сваёй маленькай дачушкай. Харэўскаму не надта падабаецца, што асфальту ў парку Горкага становіцца ўсё болей. Аднак, кажа гісторык, і сёння ў "шатрах тамтэйшых дрэваў можна ўбачыць вавёрку, а пры жаданні, у рацэ злавіць нават ракаў".
