Супрацоўнікаў TUT.by не пускаюць у офіс
Супрацоўнікі TUT.by не могуць трапіць у свой офіс у Мінску, паведамляе тэлеграм-канал выдання.
"Работнікі аховы сказалі нашаму журналісту, што допуск у офіс зачынены — па распараджэнні следчых органаў. Відэа з камер, якія ўстаноўленыя на 8-м і 9-м паверхах (офісы TUT.BY), на маніторах не адлюстроўваецца", — паведамляецца ў ТГ-канале.
Разам з тым вядома, што сілавікоў у офісе ўжо няма.
Напярэдадні ператрус у офісе TUT.by працягваўся да позняй ночы.
