Суд над палітвязнем Паўлам Вінаградавым зрабілі закрытым

Суд над палітвязнем Паўлам Вінаградавым зрабілі закрытым

Суд над палітвязнем Паўлам Вінаградавым зрабілі закрытым. Пра гэта паведаміла яго жонка Святлана Вінаградава. "Паша бадзёры і прыгожы!", — дадала яна. Крымінальную справу Паўла Вінаградава пачаў разглядаць Мінскі абласны суд.

Блогера затрымалі 22 снежня 2021-га ў ягоным доме ў Беразіне. Ён утрымліваецца ў жодзінскай турме. Крымінальную справу па трох артыкулах Крымінальнага кодэкса — арт. 130 ("Распальванне сацыяльнай варожасці"), ч. 2 арт. 367 КК ("Паклёп на прэзідэнта"), арт. 342 КК ("Арганізацыя і падрыхтоўка дзеянняў, якія груба парушаюць грамадскі парадак").

Павел Вінаградаў прызнаны палітвязнем.

Вінаградаў — актыўны ўдзельнік дэмакратычнага руху, шматлікіх вулічных акцый, яго неаднаразова затрымлівалі. У 2008 годзе ён быў асуджаны на 2 гады абмежавання волі за ўдзел у мітынгу прадпрымальнікаў. У 2011 годзе быў асуджаны на 4 гады калоніі ўзмоцненага рэжыму. На гэты раз за ўдзел у "масавых беспарадках", быў прызнаны палітвязнем. Восенню таго ж года Вінаградава памілавалі і вызвалілі, ён знаходзіўся пад прэвентыўным наглядам. У далейшым Паўла шмат разоў затрымлівалі па надуманых прычынах. У выніку ў канцы 2014-га ён з'ехаў з Мінска да бацькі ў Беразіно.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі