Суд абвінаваціў Марыну Аўсяннікаву ў дыскрэдытацыі расійскай арміі
Скрыншот з сюжэта на тэлеканале "Расія" / Фота з твітар-акаўнта Марыны Аўсяннікавай
Суд прызнаў расійскую журналістку Марыну Аўсяннікаву вінаватай у дыскрэдытацыі Узброеных сілаў РФ, піша Reuters. На думку суда, Аўсяннікава дыскрэдытавала расійскую армію ў сваіх пастах у сацыяльных сетках.
У сярэдзіне сакавіка Марына Аўсяннікава выйшла ў жывым эфіры навін Першага канала з антываенным плакатам. Яе судзілі і аштрафавалі за "арганізацыю несанкцыянаванага публічнага мерапрыемства" на 30 тысяч расійскіх рублёў (каля $260).
Гэтым разам Аўсяннікаву судзілі за публікацыі, дзе яна пісала, што вінаватыя ў расійскай агрэсіі хутка самі апынуцца на лаве падсудных.
У судзе Аўсяннікава назвала вайну "жахам, крывёю і ганьбай" і заявіла, што "мэта суда — запалохаць усіх, хто выступае супраць вайны", піша ВВС са спасылкай на Reuters.
NO WAR! Опровергаю новые теории заговора. Я не выходила в эфир «Первого канала» по заданию украинских спецслужб. ЭТО БЫЛ ГРАЖДАНСКИЙ ПРОТЕСТ! Обычная реакция нормального человека на чудовищную несправедливость. И чем больше будет таких протестов в России, тем лучше для Украины! pic.twitter.com/2P5Jvl4Uwe
— Marina Ovsyannikova (@newslady19) June 10, 2022
Яе аштрафавалі на 50 тыс. расійскіх рублёў — крыху больш за 800 даляраў ЗША. Гэта максімальны штраф, які можна накласці на расіяніна паводле гэтага артыкула. Але вядомыя выпадкі, калі за паўторую "дыскрэдытацыю" войска на расіяніна заводзілі крымінальную справу.
Адміністрацыйны артыкул з'явіўся ў расійскім кодэксе 3 сакавіка. У канцы ліпеня праект "Сетевые свободы" падлічыў, што за некалькі месяцаў вайны ва Украіне расійская паліцыя склала 3303 пратаколы аб дыскрэдытацыі арміі з пачатку вайны. У сярэднім паліцыя складае 35 пратаколаў аб дыскрэдытацыі Узброеных сілаў РФ кожны працоўны дзень, пішуць аўтары праекта са спасылкай на звесткі МУС Расіі.
