Стральба ў доме састарэлых і чалавекападобныя робаты — #ІхНоравы

Муж і жонка падарожнічалі па Атлантычным акіяне на 13-метровай экалагічнай яхце Theros. Яны пачалі свой шлях у Новай Шатландыі ў Канадзе і накіроўваліся да Азорскіх астравоў. Маршрут быў разлічаны на 21 дзень, але 13 чэрвеня сувязь з Сарай і Брэтам знікла.

Целы Пэквуд і Кліберы знайшлі праз месяц на выратавальным плыце. Іх выкінула на бераг аддаленага канадскага вострава Сейбл. Прычына крушэння не вызначаная.

Мужчына і жанчына пазнаёміліся ў 2015 годзе на аўтобусным прыпынку. Аказалася, што ў іх агульнае захапленне — жарсць да паруснага спорту і падарожжаў. У 2016-м яны адправіліся ў свой першы сумесны тур на яхце, а ў 2018-м пажаніліся.

Востраў Сейбл ляжыць побач з суднаходным маршрутам на шляху штармоў. З 1583 года ў гэтым раёне зарэгістравана як мінімум 350 караблекрушэнняў.

Сцены, якія сікаюць

Нямецкі горад Гельзенкірхен пачаў змагацца з мужчынамі, якія сікалі на сцены. Улады горада прыдумалі нестандартнае рашэнне гэтай праблемы, пакрыўшы бетонныя сцены вакзала спецыяльным лакам, які літаральна адштурхоўвае ваду.

Калі на яго трапляе вадкасць, сцяна тут жа "выплюхвае" брую назад. Такім чынам яна трапляе на штаны або чаравікі чалавека, які сікаў.

Калі вакзал перастане пахнуць мачой, лакам пакрыюць і іншыя будынкі ў горадзе.

А як вам такая ідэя?