Старшыня Еўрасавета: ЕС асуджае ціск з боку Беларусі з выкарыстаннем мігрантаў
Старшыня Еўрасавета Шарль Мішэль заявіў, што ЕС асуджае ціск з боку ўладаў Беларусі з выкарыстаннем нелегальных мігрантаў. Ён знаходзіцца з візітам у Літве і паабяцаў, што Вільня можа спадзявацца на "поўную падтрымку" Бруселя. Паводле яго слоў, абмяркоўваюцца розныя варыянты.
"Мы асуджаем ўсе спробы выкарыстоўваць незаконную міграцыю для аказання ціску на дзяржавы-члены ЕС", — падкрэсліў старшыня Еўрасавета. Шарль Мішэль заявіў, што будуць рабіцца захады па вяртанні мігрантаў, якія нелегальна патрапілі ў Літву з Беларусі. На наступным тыдні ён будзе размаўляць пра гэта з прэзідэнтам Ірака.
Як вядома, сёлета ў Літве затрымалі 1,2 тысячы нелегальных мігрантаў, якія прыйшлі з Беларусі. Гэта ў 15 разоў больш, чым за ўвесь 2020 год. Асабліва шмат нелегалаў у апошнія дні. У Літве наўпрост абвінавачваюць у спрыянні нелегальнай міграцыі афіцыйны Мінск, які такім чынам можа адказваць на санкцыі.
We condemn all attempts to instrumentalise illegal migration to exert pressure on EU member states.#Lithuania can count on our full support and solidarity through the mobilisation of @Frontex & dialogue with countries involved in return & readmission procedures.@GitanasNauseda pic.twitter.com/FskpijoP91
— Charles Michel (@eucopresident) July 5, 2021
