Срэбраную прызёрку чэмпіянату Еўропы не хацелі пускаць на Мінскі паўмарафон

Срэбраную прызёрку чэмпіянату Еўропы не хацелі пускаць на Мінскі паўмарафон

На Мінскі паўмарафон, які прайшоў 11 верасня, ледзь дапусцілі славутую бягуху Святлану Кудзеліч, піша "Наша Ніва".

Кудзеліч — удзельніца дзвюх Алімпіяд, срэбраная прызёрка чэмпіянату Еўропы. У 2020-м яна паставіла свой подпіс пад лістоым спартоўцаў, якія пратэставалі супраць гвалту сілавікоў і выступалі за сумленныя выбары.

У сёлетнім марафоне яна ўзяла бронзу на дыстанцыі 21,1 км. Золата атрымала Марына Даманцэвіч (падпісантка праўладнага ліста), срэбра — Вольга Немагай.

Пазней у сацсетках Кудзеліч распавяла. што яе ўвогуле не хацелі дапускаць да ўдзелу ў паўмарафоне. Рашэнне наконт яе ўдзелу, піша спартоўка, прыняла за дзень да старту. Але — з абмежаваннем.

У рамках Мінскага паўмарафона адбываўся таксама адкрыты чэмпіянат Беларусі па паўмарафоне. Ён лічыцца адным з этапаў Беларускай легкаатлетычнай лігі. Менавіта да гэтага турніру Кудзеліч не дапусцілі. І гэта пры тым, што ў чэмпіянаце бралі ўдзел расіяне: напрыклад, першае месца сярод мужчын заняў расіянін Рынас Ахмадзееў.

Таму ў чэмпіянаце краіны бронзу аддалі Карыне Тамашук, якая саступіла Святлане Кудзеліч хвіліну (вынік 1:18:36 супраць выніку 1:17:36).

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі