Спецпрадстаўнік ЕС заклікае вызваліць Ігара Лосіка, які месяц галадае за кратамі
Спецпрадстаўнік ЕС па правах чалавека Іман Гілмар заклікае афіцыйны Мінск вызваліць палітвязня Ігара Лосіка, які ўжо 34 дні галадае за кратамі — пратэстуе супраць свайго ўтрымання з чэрвеня 2020-га ў зняволенні. Патрабуе вызваліць і ўсіх палітвязняў, якіх у нашай краіне налічваецца ўжо 187. Пра гэта спецпрадстаўнік Еўрасаюза напісаў у Twitter.
У панядзелак Гілмар па відэасувязі абмеркаваў сітуацыю з правамі чалавека ў Беларусі з Святланай Ціханоўскай і яе памочнікамі. Ціханоўская распавяла пра кансультанта Радыё Свабода, адміністратара тэлеграм-канала "Беларусь головного мозга" Ігара Лосіка, які даўно галадае і "можа памерці — марудзіць нельга". Спецпрадстаўнік ЕС цікавіўся, як Еўрапейскі саюз у дадзены момант можа дапамагчы палітвязням у Беларусі.
A privilege to meet today with Sviatlana Tsikhanouskaya to discuss the human rights situation in Belarus. The EU repeats its call for the release of all political prisoners, including Ihar Losik who is in hunger strike #EU4HumanRights pic.twitter.com/LgNKQy15ng
— Eamon Gilmore (@EamonGilmore) January 18, 2021
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
