Спадчыну Нэльсана Мандэлы ацанілі ў 4 мільёны долараў
Былы прэзідэнт Паўднёва-Афрыканскай Рэспублікі Нэльсан Мандэла пакінуў спадчыну ў 46 млн рандаў (4 млн 130 тысяч долараў).
Пра гэта паведамляе ВВС са спасылкай на душапрыказчыка, які публічна абвясціў тастамент Мандэлы. У спадчыну Мандэлы ўваходзяць дарагі дом у Ёханэсбургу, сціплы дом у яго роднай Усходне-Капскай правінцыі, а таксама даходы ад напісаных ім кніг, у тым ліку аўтабіяграфіі.
Бліжэйшыя службоўцы Мандэлы атрымаюць па 50 тысяч рандаў (каля 5000 долараў) кожны. Школы, у якіх вучыўся Мандэла, атрымаюць 100 тысяч рандаў (10 тысяч долараў).
Нагадаем, што колішні палітвязень, а потым прэзідэнт Паўднёва-Афрыканскай Рэспублікі Мандэла памёр у снежні 2013 года ва ўзросце 95 гадоў.
Фота — operkor.net