Сілавікі затрымалі восем супрацоўнікаў TUT.by

Па выніках 18 траўня сілавікі затрымалі восем супрацоўнікаў TUT.by, паведамляе тэлеграм-канал рэдакцыі.

Гэта:

— рэдактар Вольга Лойка (на Акрэсціна);

— журналістка Алена Талкачова (на Акрэсціна);

— галоўная рэдактарка Марына Золатава;

— гендырэктар Людміла Чэкіна;

— галоўная бухгалтарка Анжэла Асад;

— намесніца дырэктара Ірына Рыбалка;

— галоўны інжынер Ала Лапатка;

— юрыстка Кацярына Ткачэнка.

"Пры гэтым мы ўсё яшчэ не ведаем, дзе цяпер некаторыя нашы калегі, у тым ліку намеснік бухгалтара Марыя Новік", — пішуць журналісты TUT.by.

Таксама затрымалі дырэктарку RocketData Дар'ю Данілаву.

З журналістаў, якія прыйшлі да офіса TUT.by, затрыманы толькі Арцём Маёраў, астатніх адпусцілі.