Серж Танкян збіраецца выпусціць адразу два альбомы

Першы з іх, пад назвай "Orca" быў запісаны пры ўдзеле нямецкага калектыву Karussell і фінансаваўся прыхільнікамі Сержа Танкяна (Serj Tankian)  праз сайт Kickstarter.

З гэтай пласцінкай удзельнік System of a Down плануе выправіцца ў тур па Еўропе і Расіі ўжо гэтай восенню.

Другі альбом будзе больш падобны на зборнік пераважна інструментальных кампазіцый у розных жанрах — ад прагрэсіў-джаза і рока да электронікі.

У запісе гэтага дыску ўдзельнічалі піяніст Тыгран Хамасян (Tigran Hamasyan), флейтыст Валерый Талстоў, трубач Том Дзюпра (Tom Duprey), а таксама былы ўдзельнік The Police Сцюарт Коуплэнд (Stewart Copeland).

Фота: www.bbc.co.uk