СБУ затрымала ката "растрэльнай групы" ДНР
Служба бяспекі Украіны затрымала ў Краматорску чальца "растрэльнай групы" так званай "Данецкай народнай рэспублікі".
Паведамляецца, што мужчына асабіста катаваў і расстрэльваў мірных жыхароў, піша censor.net.ua са спасылкай на прэс-цэнтры Службы бяспекі Украіны.
Украінскія сілавікі выявілі, што 24-гадовы жыхар Дружкаўкі разам са сваім бацькам сёлета ў чэрвені добраахвотна ўвайшлі ў склад "растрэльнай групы №1 НКВД камендатуры горада Дружкаўка". Верхаводам банды карнікаў быў тэрарыст па мянушцы "Кісель".
Мясцовыя жыхары называюць імёны як мінімум пяці грамадзян, якіх каты пакаралі смерцю ў лесапаласе пасёлка Данскі на ўскраіне Дружкаўкі. На затрыманага ката пачалі крымінальную справу па пяці артыкулах Крымінальнага кодэкса Украіны.
Фота — ukr-online.com