СБУ вылічыла 11 беларусаў сярод расійскіх баевікоў, якія ваявалі ў Сірыі
СБУ апублікавала дасье на некаторых баевікоў расійскай прыватнай вайсковай кампаніі Вагнера, якія ваявалі ў Сірыі на баку прэзідэнта Башара Асада.
Пра гэта 26 ліпеня паведаміў кіраўнік апарата Службы бяспекі Украіны Ігар Гуськоў.
У апублікаваным дасье згадваюцца не толькі расіяне, але і грамадзяне іншых краінаў, якія таксама ўдзельнічалі ў вайне ў Сірыі. У прыватнасці, як адзначае Радыё "Свабода", там згадваюцца 11 грамадзян Беларусі, 4 — Малдовы, па адным прадстаўніку Казахстана і Арменіі.
