Самалёт з Расіі развярнуўся над Беларуссю з-за сігналу пра разгерметызацыю
Самалёт з Расіі развярнуўся над Беларуссю з-за сігналу пра разгерметызацыю. Здарэнне адбылося 4 чэрвеня. Boeing-737 кампаніі Utair ляцеў з Масквы ў Берлін. За 40 хвілін ён паспеў даляцець да Полацкага раёну, калі на вышыні 10500 метраў спрацаваў датчык разгерметызацыі. Самалёт вярнуўся ў аэрапорт Унукава, дзе паспяхова здзейсніў экстранную пасадку.
"Весці" змясцілі ў Twitter відэа, зробленае ў салоне самалёта. На ім чуваць, што плачуць дзеці. Некаторыя з пасажыраў сцвярджалі, што ў масках, якія ў гэты момант выпалі, не было кіслароду. "Пякельна страшна", — так ацаніла сітуацыю адна з відавочцаў. Паводле яе слоў, дагэтуль яна бачыла падобнае толькі ў кіно.
Расійскія сілавікі праводзяць праверку сітуацыі з разгерметызацыяй.
"Адски страшно": самолет компании UTair долетел до Беларуси, когда возникли проблемы с герметизацией.
— Вести.Ru (@vesti_news) 4 июня 2019 г.
"Всегда надеялась испытать это только в кино" - делится своими ощущениями пассажирка. Некоторые из очевидцев сообщили, что в выпавших масках не было кислорода. pic.twitter.com/2bGEnl7hKJ