"Самакатчык" Дзяніс абскардзіў прысуд
!["Самакатчык" Дзяніс абскардзіў прысуд](/sites/default/files/styles/gallery_main/public/2023-08/dzianis.jpg.webp?itok=0OJpVayS)
11 ліпеня суд Фрунзенскага раёна Мінска прысудзіў Дзянісу Тарманаву штраф памерам 63 новыя рублі за тое, што ён ехаў на самакаце па краме "Карона". Паездка, калі яе можна так назваць, адбылася ў адной з крам сеткі. Хлопца затрымалі ахоўнікі і перадалі міліцыі. У выніку Дзяніс пераначаваў у пастарунку ― паездку на самакаце па краме палічылі адміністрацыйным правапарушэннем. І, нягледзячы на адсутнасць у хоць нейкім дакуменце забароны ездзіць па крамах на самакатах, асудзілі на 63 рублі штрафа.
"Быў сёння ў судзе, падаў скаргу на штраф. Я сябе вінаватым не лічу, буду адстойваць гэта", ― расказвае Дзяніс Еўрарадыё.
Хлопец таксама выказваецца пра крок сеткі крамаў "Суседзі", якая на мінулым тыдні вывесіла ў сваіх крамах плакаты з самакатамі і абвесткай, што тут радыя усім кліентам.
"Я вітаю гэта. Праўда, гады два таму мяне ў "Суседзях" таксама затрымлівала ахова за самакат. Я тады нават не ехаў, а проста каціў яго побач з сабой. Але зараз, бачу, яны перагледзелі сваю пазіцыю", ― расказвае ён.
Аб тым, ці задаволіць суд скаргу Дзяніса, стане вядома праз некалькі дзён.