ЗША заклікаюць вызваліць затрыманых "маўчуноў"
Пра гэта 7 ліпеня на брыфінгу ў Вашынгтоне заявіла прэс-сакратар Дзярждэпартамента Вікторыя Нуланд.
Па яе словах, Злучаныя Штаты занепакоеныя "ўсё больш жорсткай тактыкай, якую беларускія ўлады ўжываюць супраць дэманстрантаў і журналістаў" падчас мірных акцый пратэсту. У сваёй заяве ЗША згадалі і больш за 20 затрыманых журналістаў, якія асвятлялі пратэсты, адзначае БелаПАН.
Нагадаем, па звестках праваабаронцаў, 6 ліпеня на "маўклівай акцыі" былі затрыманыя каля 400 чалавек, у тым ліку ў Мінску каля 200.
Суды над імі ішлі ўчора і павінны працягнуцца сёння.
