Затрыманы Аляксандр Макаеў
Намесніка старшыні Руху салідарнасці “Разам” спынілі, калі ён ехаў на ўласным аўтамабілі, на якім быў прымацаваны бел-чырвона-белы сцяжок.
У салоне машыны Макаева знайшлі ўлёткі за байкот выбараў, на падставе чаго ён і быў затрыманы. Паводле Радыё Свабода, апазіцыянер ехаў на працу. Цяпер ён знаходзіцца ў Цэнтральным РУУС Мінска.
Паводле udf.by, Аляксандр Макаеў ехаў у Магілёў на пахаванне актывісткі Крысціны Шацікавай. Яго тэлефон зараз не даступны.