З італьянскай “Вікіпедыі” зніклі ўсе старонкі
Яе аўтары выдалілі артыкулы на знак партэсту супраць законапраекта, які абмяжоўвае свабоду слова.
З італьянскай версіі сайта "Вікіпедыя" зніклі ўсе артыкулы, акрамя загалоўнага, паведамляе ВВС. Так сайт выказаў пратэст супраць законапраекта, што абмяжоўвае публікацыю расшыфровак тэлефонных размоў, якія знаходзяцца ў распараджэнні паліцыі. Гэты законапраект абмяркоўвае італьянскі парламент.
Нядаўна
ў адкрыты доступ трапіла змесціва тэлефонных размоў прэм'ер-міністра Італіі
Сільвіо Берлусконі, якія былі запісаныя падчас разгляду судовай справы аб
карупцыі і карыстанні паслугамі непаўналетніх прастытутак. Гэтая інфармацыя выставіла
італьянскага прэм'ера ў вельмі непрыстойным святле.
Аднак у выпадку ўступлення ў
сілу новага законапраекта, вэб-сайты будуць абавязаныя на працягу 48 гадзін
выдаліць падобную інфармацыю са сваіх артыкулаў.
