У Магілёве затрымалі вяскоўца з абрэзам
Невядомы затэлефанаваў у міліцыю і паведаміў, што падазроны мужчына знаходзіцца каля крамы №75 з прадметам, падобным да пісталета.
Нарад міліцыі затрымаў мужчыну, які трапляў пад апісанне. Падчас агляду яго спартыўнай сумкі быў знойдзены і канфіскаваны абрэз двуствольнай стрэльбы “ТОЗ 34 Р”.
Апроч таго, высветлілася, што 31-гадовы ўраджэнец вёскі Дабрэйка Шклоўскага раёна знаходзіцца ў вышуку за ўчынены раней крадзеж, паведамляе сайт магілёўскай міліцыі.
Фота — izvestiaur.ru
