Трэнерскі штаб хакейнай зборнай Беларусі не зменіцца
Правал на алімпійскім турніры на выканкаме федэрацыі патлумачылі недастатковай дысцыплінай, магчымай меркантыльнасцю гульцоў і форс-мажорам.
Падчас пасяджэння выканкама Федэрацыі хакея старшыня Яўген Ворсін падкрэсліў, што давер да галоўнага трэнера зборнай не знік.
Ворсін: “І Андрэй Скабелка, і Аляксандр Андрыеўскі будуць рыхтаваць нацыянальную каманду да чэмпіянату свету 2013 года”.
Галоўнай праблемай, чаму каманда не прайшла кваліфікацыйны адбор на гульні, размыта назвалі месцамі недастатковую дысцыпліну (меўся на ўвазе канфлікт з малодшым Касціцыным), магчымую меркантыльнасць гульцоў, калі інтарэсы нацыянальнай каманды не на першым месцы, і форс-мажор: зборная, на думку галоўнага трэнера, прапускала ад славенцаў неабавязковыя шайбы.
