Status Quo выдаюць новы альбом
На дыск трапілі 14 новых песень, а таксама хіт “In The Army Now”, перазапісаны з музычным корпусам брытанскай арміі.
Новы альбом запісалі і брытанскія рок-ветэраны Status Quo. Першы за чатыры гады дыск пад назвай “Quid Pro Quo” з'явіцца ў продажы ўжо ў канцы траўня.
У новы студыйнік трапілі 14 новых песень, а таксама хіт “In The Army Now” перазапісаны летась з музычным корпусам брытанскай арміі.
Разам з дыскам новых песень альбом дапоўняць складанкай “The Official Bootleg — Greatest Hits Live”. У яго ўвойдуць 10 вядомых песень гурта, запісаных на мінулагодніх канцэртах у Амстэрдаме і Мельбурне.
