Следчы камітэт: падазраванага па справе аб выбуху ў Віцебску адпусцілі
З ім праводзіліся "праверачныя мерапрыемствы". Дапыталі больш за 60 чалавек. Цяпер падазраваных няма.
Вось што Еўрарадыё паведаміў прэс-сакратар Следчага камітэта Павел Травулька:
121115_travulka2.mp3
"Няма падазраваных, у першыя дні па справе было дапытана больш за 60 чалавек. Я падкрэсліваю — дапытаныя, а не затрыманыя".
Расследаванне справы аб выбуху каля будынка Упраўлення КДБ па Віцебскай вобласці працягваецца, праводзіцца выбухатэхнічная экспертыза.
Нагадаем, увечары 11 лістапада адбыўся падрыў "прымітыўнага самаробнага піратэхнічнага прыстасавання". У выніку, у будынку былі пашкоджаныя два акна. Па факце "хуліганства" была распачатая крымінальная справа.
Відавочца выбуху ў Віцебску: Жудасна грымнула. Падумалі, што гэта газ
