На Полаччыне ўратавалі 8 рыбакоў (фота)
8 сакавіка група аматараў рыбалкі сядзела з вудамі на Заходняй Дзвіне, каля вёскі Цюлькі.
Прыкладна апоўдні лёд пачаў расколвацца, ільдзіна з рыбакамі адарвалася ад берага і паплыла па цячэнні ракі. Рыбакі не маглі выбрацца на бераг і патэлефанавалі ратавальнікам.
Супрацоўнікі МНС дасталі рыбакоў з ільдзіны. Пацярпелых у выніку інцыдэнту няма, ад шпіталізацыі рыбакі адмовіліся, інфармуе прэс-служба МНС.
