Маўклівага шэсця ў Мінску 10 ліпеня не адбылося
У акцыі, анансаванай малавядомай групай "Нацыянальная бестэрміновая забастоўка", прынялі ўдзел толькі супрацоўнікі спецслужб.
Арганізатары планавалі 10 ліпеня з 19 да 20 гадзін хадзіць па кругавым маршруце. Ад вуліцы Бабруйскай, да праспекта Незалежнасці і далей да Ульянаўскай. Яны сцвярджалі, што маюць падтрымку вядомай групы "Рэвалюцыя праз сацыяльныя сеткі", аднак тая заявіла, што не мае да гэтай акцыі ніякага дачынення.
У раёне Прывакзальнай плошчы Мінска ўвечары 10 ліпеня назіралася канцэнтрацыя супрацоўнікаў спецслужбаў, паведамляе БелаПАН.
Фота — chudentsov.livejournal.com
