“Марш супраць падлюгаў” праходзіць у Маскве
У цэнтры расійскай сталіцы адбываецца апазіцыйная акцыя супраць закона-адказу на “Акт Магніцкага”.
Рух двух калон пачаўся ад Страстнога бульвара ў кірунку праспекта Сахарава па абодвух баках Бульварнага кольца. Страстны бульвар запоўнены маніфестантамі цалкам.
Удзельнікі акцыі трымаюць плакаты з партрэтамі дэпутатаў расійскай Дзярждумы і членаў Савета Федэрацыі з надпісамі “Ганьба”.
Нягледзячы на тое, што арганізатары шэсця заявілі пра агульнаграмадзянскі характар акцыі, прысутныя пашыхтаваліся па палітычнай прыкмеце: па правым баку ідуць прадстаўнікі ліберальных рухаў на чале з сустаршынямі ПАРНАС, па левым — левыя на чале з Сяргеем Удальцовым.
У шэсці, паводле ацэнак Маскоўскага Галоўнага упраўлення МУС, удзельнічаюць 7 тысяч чалавек, паведамляюць расійскія СМІ.