Маразы будуць мацнець: у нядзелю ў Віцебску абяцаюць -29
Метэаролагі пагоршылі свой ранейшы прагноз.
Уранку нядзелі, 27 студзеня, у Віцебску чакаецца да 29 градусаў ніжэй за нуль, у Мінску і цэнтры краіны — мінус 24, піша nn.by.
Чакаецца, што моцныя маразы затрымаюцца прыкладна да наступнага чацвярга, 1 лютага. Раней сіноптыкі абяцалі, што яны аслабнуць трохі раней.
Удзень маразы будуць складаць ад —12 да —22. Як прагназуюць сіноптыкі, мінімальныя тэмпературы наступных сямі дзён у Гомелі і Магілёве дасягнуць мінус 24, у Гродне — 21 градус марозу, у Брэсце — 18 ніжэй за нуль.
Фота — artleo.com