Еўрасаюз мае намер забараніць імпарт іранскай нафты
Гэта робіцца з мэтай аказаць дадатковы ціск на Тэгеран і прымусіць яго адмовіцца ад ядзернай праграмы.
Чакаецца, што афіцыйна аб забароне будзе абвешчана на саміце міністраў замежных спраў ЕС у канцы студзеня. ЗША, якія самі нядаўна ўвялі новыя санкцыі супраць Ірана, віталі гэты крок, інфармуе ВВС.
Іран ўсяляк спрабуе прынізіць дзейснасць санкцый і катэгарычна адмаўляе сцверджанні Захаду аб тым, што ён распрацоўвае ядзерную зброю.
