Да Re1ikt вярнуўся вакаліст
За час расстання Уладзімір Казлоў паглядзеў на ўсё пад іншм ракурсам, а гурт падрыхтаваў новую праграму.
Нагадаем, што Re1ikt развіталіся са сваім фронтмэнам неўзабаве пасля прэзентацыі альбома “Рэкі прабілі лёд”, якая адбылася мінулай восенню і цягам 10 месяцаў былі ў пошуку замены. Тым часам каманда прэзентавала канцертны DVD “Крыгаход”, запісала альбом для праекта Re123+, падрыхтавала інструментальны праект і новую песню для Re1ikt.
Апошнім часам ролю вакаліста Re1ikt выконваў Сяргей Долгушаў, які спеў з гуртом на Halfway-фестывалі ў Беластоку і фестывалі “Наш Грунвальд” у Дудутках.
Па словах Уладзіміра Казлова, для яго “вельмі важна было адысці ў бок, каб правільна ацаніць тое, што адбываецца. Каб не бачыць сітуацыю скажонай і каб самому не быць аднабокім”.
Першы сольны канцэрт адноўлены Re1ikt адыграе 21 жніўня ў клубе “Графіці”.
Фота: budzma.org
